ဟံသာဝတီခေတ် ကဗျာတစ်ပုဒ်

 လွမ်းလျက်နေရာ၊

 ရွာလာသည်လည်း

 ထွေလည်မောစွ၊ 

 ရီရောပြိုးပြွမ်း၊

 မိုးချမ်းခါလု၊ 

 ရတုဝဿ၊

 ဟေမန်လ၀ယ်၊ 

 ကျတဝေေ၀၊

 စွေတမှေးမှေး၊

 သေးတဖွဲဖွဲ၊ 

 လွမ်းဆေးကြဲ၍ ….          ဟံသာဝတီခေတ် စာဆိုရှင် ရှင်ဓမ္မဓဇ  

( ကဗျာခေါင်းစဉ် လဲမသိ၊ အပြည့်အစုံလဲမသိတဲ့ ကဗျာလေးပါ။

  နှစ်သက်လို့ ကူးယူထားတာပါ။ )

အနုပညာကျွန်း

အနုပညာကျွန်း

ရောက်ခဲ့ဖူးတယ်

ယစ်မူးငြိမ့်လျော၊ လှေအမျောမှာ

တယောလဲ့လဲ့၊ တီးတိုးနွဲ့ရင်း

ဆိုဖွဲ့သီချင်း၊ ဖြည်းညင်းညင်းဆို

ဟောဟိုမြေနု၊ သစ်ပင်စုနဲ့

အနုပညာကျွန်းကိုပေါ့။

အဲ့သည်မှာလေ

စာပေကိုဖတ်၊ ကဗျာစပ်လိုက်

ဆောက်အပ်တွေစု၊ ရုပ်တု ထုလိုက်

နုရင့်ရောင်တွဲ၊ ပန်းချီဆွဲလိုက်

ရင်ထဲ ခုတောင်ခုန်သေးတယ်။

နေရစ်တော့နော်

ကြော့ကြော့ကလေး၊ လအေးအေးအောက်

ငှက်တေးသံညင်၊ မြေပေါ်ဖိတ်စဉ်

ရေပြင်ညံ့အိ၊ သစ်နွယ်ငြိချိန်

စိတ်၏အစာ၊ ငတ်ပြတ်ဆာတော့

ပြန်လာလည်ပတ်ပါဦးမယ် ......               ကြည်အေး

အဖြေ

အရာအားလုံးကို

ပုံသေနည်းနဲ့တွက်ချက်

အဖြေထုတ်ကာ ကြည့်မလား

ဒါမှမဟုတ်

ရှေးစကား ကျမ်းကိုးကားနဲ့

အဖြေထုတ်ကာ ကြည့်မလား

ဒါမှမဟုတ်

ပတ်ဝန်းကျင်စကား အတွေးများနဲ့

အဖြေထုတ်ကာ ကြည့်မလား

နည်းအမျိုးမျိုးနဲ့တွက်ချက်

အဖြေမှန် ထွက်လာနိုင်ပေမဲ့

တစ်ခါတစ်လေ ပုံသေနည်း

ကျမ်းကိုးကား ဘေးစကားတွေနဲ့ မညီ

အဖြေညှိခက် ပဟေဠိ အချက်အလက်တွေနဲ့

ကွဲလွဲချက်တွေ ရှိနေပါသေးတယ်

လားရှိုး View Point

ကြည်ပြာသော ကောင်းကင်

တောင်တန်းပြာ နောက်ခံရယ်နဲ့

တိမ်စိုင်တိမ်လိပ် အပြည့်အသိပ်ကို

မြေကပ် အပင်ရိုင်းငယ်တွေနဲ့

အနားသပ် ဘောင်ကွပ်ထားလို့

မြေပြင်မှာလော တိမ်ပေါ်မှာလော

မဝေခွဲနိုင်အောင် လှနိုင်ပါပေ့

 သဘာဝ အလှတရားရယ်...

မြို့ မျက်နှာဖုံး

 ရယ်နေသောလဲ

 ပျော်ရွှင် မနေပါ

 ငိုနေသောလဲ

 ၀မ်းနည်း မနေပါ

 မြို့ပြရဲ့ အရှိန်အ၀ါ

 လူတွေရဲ့ လောဘ

 အတ္တ မာနတွေအောက်

 အတုံးအရုံး ပြိုလဲ

 အမှန် မျက်နှာမရှိ

 ဟန်ဆောင် မျက်နှာဖုံးတွေနဲ့မို့

 မြို့ မျက်နှာဖုံး ရယ်လို့  ဂုဏ်တင်ကာ

 အမည်တပ်ရမလို ဖြစ်နေပြီ  

မခေါ်တမ်း ကစားခြင်း

 တမင်စိမ်းပြီပေါ့

 မကြင်လို့ တိမ်းချင်လဲတိမ်းပါ

 ယိမ်းသလို ရှောင်သလိုနဲ့

 ဟန်ဆောင်ကာ မျက်မာန်တင်း

 မြင်ပြင်းကပ်ဟန်တူရဲ့

 ငြူစူစူ ခင့်နှုတ်ခမ်းက

 ပန်းနှင်းဆီမုန်းရောင်သန်း

 မခေါ်တမ်းကစားရအောင်လေ။

 နောင်တော့မှ

 မောင်တော့သတိထား

 ဟိုသွားသည်လာနဲ့

 ကဗျာဆရာလူတေကြီး

 ဆံမဖီးမသင်နဲ့

 မုတ်ဆိတ်မျှင် သူမရိတ်

 ဆေးလိပ်တို တဖွာဖွာပေါ့

 ယောင်ချာချာမနေပါနဲ့

 ခင်ကလေ မောင့်ကိုမုန်းပါဘူး

 ရှက်ပြုံးကာ လာမချော့လှာနှင့်

 မောင့်မှာလေ တအားလျှော့ပြီ

 ခုတော့တေပေ။

 မောင်ရယ်လိမ်လိမ်မာမာနဲ့

 ခင်ပြောတာနားထောင်စမ်းပါ

 ဒီကလဲ သူ့ကိုလွမ်းရတာဘဲ

 မခေါ်တမ်းကစားပွဲကို

 ရပ်စဲကြစို့လေ

 မျက်ရေနဲ့ခင့်စကား။

 ချစ်သူကပြောတော့

 လွမ်းမောသူ ဟန်မဆောင်နိုင်ဘု

 ဆေးလိပ်တောင် ဖြတ်ပစ်မယ်

 အချစ်မကြိုက်ရင် မောင်မသောက်ပါ

 နောက်တော့သာ မခေါ်ချင်သလိုနဲ့

 ခင်တမင်ငြိုငြင်တိမ်းပြီး

 စိမ်းနဲ့သိလား။        ။         ကြည်အောင်

စပယ်ဖြူ

 တင့်လှပေသည်

 မြရည်စို့စို့ အရွက်တို့လည်း

 မိုးသို့မျှော်ကာ သူ့မာလာအား

 ပဏာဆက်သ ရွှင်ပြပြသည်

 ၀င်းပစပယ်ဖြူဖြူတည်း။            ဇော်ဂျီ